Galicia rematou esta Semana Santa cun incremento de entre o 5 e o 15% en canto a ocupación hoteleira, con respecto ao ano anterior, segundo datos facilitados pola Axencia de Turismo.
A ocupación media situouse en torno ao 55% e, por sectores, destaca o dos balnearios, cunha ocupación entre o 80 e o 85%.
No caso da provincia da Coruña rexistrouse un aumento do 5% en relación á Semana Santa do pasado ano, mentres que noutras zonas de Galicia supuxo un 10% máis.
O turismo supón para Galicia o 10,6% do seu PIB e o 12,33% do total do emprego. A comunidade é, tras Andalucía, a que conta con máis establecementos aos que se outorgou a Q de calidade turística.
