O vindeiro domingo, 30 de novembro, a cidade de Lugo celebra o XIV aniversario da súa Muralla como Patrimonio Mundial cunha serie de actos moi variados.
A actividade central vai ter lugar no Circulo das Artes ás 18.00 horas cun Concerto Conmemorativo que estará dividido en tres partes e no que se escoitará por primeira vez o himno da Muralla titulado Anel de Pedra e que está composto polo músico Abraham Cupeiro. A entrada será gratuíta ata completar o aforo do Círculo das Artes.
Dentro destes actos conmemorativos tamén van ter lugar dúas actividades que teñen como nexo de unión a Muralla. Así, o venres 28 de novembro inaugúrase a exposición de fotografía de La Voz de Galicia Un año de Voz 2014 no que aparecen varias imaxes da Muralla de Lugo e que se poderá ver na rúa da Raíña.
Tamén o domingo 30 a Cruz Vermella e El Progreso organizan o Aniversario solidario 150 anos da Cruz Vermella nos accesos e sobre o adarve da Muralla durante o que se repartirán paraugas vermellos e os donativos recadados irán destinados á propia entidade para os máis necesitados.