O Festival Muralla Rock 2014, que dará inicio ás festas do San Froilán de Lugo, contará coas actuacións dos grupos Los Suaves, Rosendo, Costas e Tregua.
O Festival terá lugar o venres 3 de outubro a partir das 19:00 horas no Pazo de Feiras e Congresos de Lugo e agárdase un aforo próximo ás 6.000 persoas que desfrutarán de boa música e varias sorpresas ao longo do concerto.
En canto as entradas, as primeiras 1.000 xa están a venda a través da web www.murallarock.com e a partir do venres en www.taquilla.servinova.com a un prezo de 10 euros. A partir desas 1.000 primeiras entradas pasarán a ter un prezo de 12 euros e en taquilla 15 euros.
