Santiago de Compostela rexistrou o pasado 9 de agosto a chegada de 2.748 peregrinos á capital, trátase do maior número de chegadas diarias de todo o ano, segundo informa Europa Press baseándose nos datos da Oficina do Peregrino.
No que vai deste mes de setembro rexistráronse 31.364 chegadas superando as 28.003 alcanzadas en 2013 durante o mesmo período. En canto á procedencia dos peregrinos do mes de setembro, destacan España, Italia, Alemaña, Portugal e EUA, mentres que o Camiño francés foi a ruta máis utilizada.
No total do ano 204.913 peregrinos recolleron a súa compostela, unha cifra superior aos 186.820 do ano anterior.
