A praia das Catedrais, en Ribadeo, repite un ano máis como un dos mellores areais do mundo, segundo os premios Traveller Choice Playas 2014 outorgados por TripAdvisor, sobre os comentarios dos usuarios.
As Catedrais sitúase, este ano, como a segunda mellor de España tras a praia de Illetes, en Formentera; é cuarta no ranking europeo e, ademais, décimo quinta a nivel mundial.
Os premios Travellers Choice Playas 2014 recoñecen máis de 322 praias en todo o mundo. Os areais gañadores foron elixidos sobre a base da calidade e cantidade dos comentarios e cualificacións feitos polos viaxeiros na web turística durante un período de 12 meses.
