Turismo de Galicia e a Deputación de Pontevedra colaboran para adaptar os areais das Rías Baixas ás necesidades das persoas con mobilidade reducida. Ambas as dúas institucións fixeron entrega de 390 pasarelas, 2 cadeiras anfibias e 6 zonas de sombra para as praias de Bamio-Campanario, O Bao/Camaxe, A Lanzada, Area da Cruz, Baltar, Silgar e Canelas.
O material supuxo un investimento de 56.056 euros. Esta adquisición inclúese nun convenio máis amplo que comprende ademais traballos de eliminación de barreiras de acceso en edificios e espazos de interese turístico cuxo investimento supera os 300 mil euros.
O obxectivo desta iniciativa é seguir incrementando os destinos accesibles de Galicia para ser un destino turístico diferenciado, con oferta específica para todo tipo de segmentos e caracterizado pola calidade na atención.
