Xosé Cannas, o xefe de cociña de Pepe Vieira, Camiño dá Serpe, acaba de estrear unha nova proposta gastronómica para esta tempada estival na que fusiona o salvaxe Atlántico e a arte.
Pepe Vieira ofrece durante os próximos meses tres menús degustación nos que concentrará a esencia da cociña atlántica, cunha aposta decidida polos produtos salvaxes do mar como mostra de respecto aos homes e mulleres que expoñen a súa vida para capturalos nas augas bravas do Atlántico ou no litoral galego.
O menú Travesía exhibe a estreita relación do sabor Atlántico coa natureza e a paisaxe, nun percorrido que conta con nove pratos diferentes.
A proposta Universo concentra a visión máis rural coa proposta máis cosmopolita da cociña de Xosé Cannas, mediante un percorrido de seis pratos que arranca con cinco culleradas de caldo galego concentrado.
A proposta Revival é un percorrido polos pratos máis exitosos do xefe de cociña mellorados pola acumulación da experiencia nos fogóns.
Esta proposta gastronómica servirase nunha vaixela exclusiva deseñada por Elena G. Dahlgren. Pezas únicas, de porcelana, greses e madeira, producidos de forma artesanal polos ceramistas Suso Dobao e Verónica Pérez.
