Foto de amarinarestaurante.com
O restaurante A Marina, en Camariñas, ingresará o próximo mes de xullo na sociedade mundial de gastronomía La Chaine des Rotisseurs.
Únese, deste modo, á máis dunha ducia de locais galegos que forman parte de La Chaine, sendo o primeiro da Costa da Morte en facelo. O restaurante, con vistas ao Atlántico e ao porto, destaca por unha cociña baseada nos sabores galegos e pola calidade dos seus mariscos, peixes e carnes.
A Chaine deas Rotisseurs está presente en máis de 70 países e reúne máis de 25.000 membros cun mesmo obxectivo: impulsar as tradicións culinarias da boa mesa, a amizade e o compañeirismo. Ten a súa orixe no gremio de asadores creado en Francia en 1248.
