O hotel NH Collection de Santiago acolle, do 11 ao 13 de marzo, a terceira edición da feira de arte contemporánea Cuarto Público, que se celebrará no 5º e 6º andar do devandito establecemento.
O evento reúne 20 proxectos expositivos, unha sección editorial, unha sección de proxectos alternativos, un foro de presentación, accións artísticas en vivo, actividades didácticas e visitas guiadas. E todo nas habitacións do hotel como escenario. Nas súas anteriores edicións, a iniciativa reuniu a máis de 7.500 visitantes e 215 artistas.
