Tres paradores galegos encóntranse no ranking dos dez mellores de España segundo os premios Travellers’ Choice de Tripadvisor. Trátase do parador de Santo Estevo, que ocupa o cuarto lugar, o parador Hostal dos Reis Católicos, en quinta posición, e o parador de Baiona, que é oitavo. A lista encabézana os paradores de Lorca, Alcalá de Henares e Cangas de Onís.
O resultado obtense a través dos votos e comentarios dos millóns de usuarios da web Tripadvisor, que no caso dos paradores galegos valoraron os enclaves e o ambiente que se respira en cada un deles, rodeado de historia e tranquilidade.
