A Rede de Xudarías de España-Camiños de Sefarad, na que se inclúen as localidades galegas de Ribadavia e Monforte de Lemos, e Turespaña asinaron un convenio para o desenvolvemento de accións conxuntas de promoción dos destinos e produtos turísticos da Rede.
O obxecto do convenio é o de establecer un marco de colaboración entre Turespaña e a Rede de Xudarías de España para realizar accións de promoción dirixidas a fortalecer o posicionamento no mercado internacional dos destinos e produtos turísticos da Rede durante os anos 2014 e 2015.
Entre as actividades previstas inclúense plans de carácter estratéxico, accións con axentes de viaxes e tour operadores, presentacións, accións formativas, campañas locais, mercadotecnia directo, presenza en feiras ou feiras profesionais, entre outras cousas.
