O destino Galicia promoveuse, este ano 2014, nun total de 26 feiras de carácter turístico, grazas á actividade de Turismo de Galicia, que levou a oferta e os servizos turísticos galegos a 19 certames internacionais e sete internacionais, o que posibilitou a súa promoción global nos distintos mercados mundiais.
Nos últimos 12 meses, Turismo de Galicia participou nos principais certames turísticos do mundo, entre os que destacan a Feira Internacional do Turismo de Madrid, FITUR, en xaneiro; a Internationale Turismus Börse (ITB), de Berlín, en febreiro; ou a World Travel Market (WTM), de Londres, en novembro.
Ademais, no ámbito español, o turismo galego estivo representado en todos os certames turísticos organizados nos principais mercados emisores para Galicia. Turismo de Galicia participou en 11 certames especializados ofertando o Camiño de Santiago, o turismo de saúde e o termalismo, o turismo náutico, o golf e a ornitoloxía.