A D.O. Ribeira Sacra acaba de celebrar a XX edición da súa cata de viños. Un panel de cata integrado por 10 expertos valorou un total de 67 mostras de viños correspondentes a 37 adegas. Neste concurso establécense 3 categorías: tintos 2013, brancos 2013 e viños doutras anadas.
Vía Romana só presentou os seus viños na categoría doutras anadas e obtivo os dous galardóns establecidos nas bases con VR Barrica 2011 e Vía Romana Godello 2012. A adega deixa aos seus viños un repouso mínimo de 6 meses en depósito e outros 6 en botella. “Este recoñecemento consolida aos viños de Vía Romana como estandarte dos viños galegos e supón un excelente impulso para seguir abrindo mercados”, asegura a empresa nun comunicado.
