O Parador do Hostal dos Reis Católicos, en Santiago de Compostela, é o lugar elixido para presentar, o próximo mes de novembro, a Guía Michelin 2016.
Tras Madrid, San Sebastián, Barcelona, Bilbao e Marbella, Santiago convértese na nova cidade seleccionada para a presentación da famosa guía, consolidando a aposta de Michelin pola nosa gastronomía.
Michelin rende, ademais, homenaxe a Galicia como destino culinario e gastronómico de primeiro nivel, recoñecendo o labor dos seus profesionais e a excelencia dos seus produtos. O próximo 25 de novembro desvelaranse en Santiago, polo tanto, as últimas novidades gastronómicas en España e Portugal.
